საქართველოს უნივერსიტეტი პირველი ქართული საგანმანათლებლო ინსტიტუტია, რომელმაც მოიპოვა Apple-ის iOS University Developer Program-ის წევრობა და ლიცენზია.

ამ პროგრამის მეშვეობით, საქართველოს უნივერსიტეტს საშუალება ეძლევა სტუდენტებს ასწავლოს iOS აპლიკაციების დეველოპმენტი iOS SDK-სა და სხვა Apple ტექნოლოგიების გამოყენებით. 

პროგრამა გათვლილია მხოლოდ იმ უმაღლეს სასწავლებლებზე, რომლებიც აპირებენ iOS დეველოპმენტის კურსების ინტეგრირებას საუნივერსიტეტო პროგრამებში (ბაკალავრიატი, მაგისტრატურა).

შეგახსენებთ, რომ საქართველოს უნივერსიტეტში 2015 წელი აიტის სკოლის რევოლუციური განვითარების წელია, ამიტომ ეს სიახლე მნიშვნელოვანია საუნივერსიტეტო პროგრამებისა და UG Lemondo მობილური აპლიკაციების  ტრენინგ ცენტრის iOS დეველოპმენტის კურსების განვითარებისთვის.